பஜகோவிந்தம் – 26

பஜகோவிந்தம் – 26

எல்லோரும் சமம்:

சத்ரௌ மித்ரே புத்ரே பந்தௌ
     மா குரு யத்நம் விக்ரஹஸந்தௌ|
பவ ஸமசித்த: ஸர்வத்ர த்வம்
     வாஞ்ச்சஸ்யசிராத் யதி விஷ்ணுத்வம்||

பதவுரை:

சத்ரௌ                                    – பகைவனிடத்திலும்
மித்ரே                                       – நண்பனிடத்திலும்
புத்ரே                                        – பிள்ளையிடத்திலும்
பந்தௌ                                   – உறவினனிடத்திலும்
மா குரு                                     – செய்யாதே
யத்நம்                                      – முயற்சியை
விக்ரஹ ஸந்தௌ               – சண்டை செய்வதிலும், சமாதானம்                                                                    செய்வதிலும்
பவ                                             – இருப்பாயாக
ஸமசித்த:                                – ஒரே விதமான மனமுள்ளவனாக
ஸர்வத்ர                                   – எல்லாரிடத்திலும்
த்வம்                                          – நீ
வாஞ்ச்சஸி யதி                     – விரும்புவாயானால்
விஷ்ணுத்வம்                         – விஷ்ணுத்தன்மையை (மேலான                                                                           நிலையை)

கருத்து:

விரைவில் மோக்ஷம் எனும் மேலான நிலையை அடையவேண்டுமென்று விரும்பினால், பகைவன், நண்பன், மகன், உறவினன் என நம்மைச் சுற்றியுள்ள யாரிடமும் பகைமையையோ, நட்பையோ பாராட்டாமல் ஸமசித்தத்துடன் பழகவேண்டும். எல்லோரையும் ஸமமாக பாவிக்கவேண்டும். இதன்மூலம் மேலான கதியை அடையலாம் என்கிறார் ஆதிசங்கரர்.