வீட்டுக் குறிப்புகள்

1.  புத்தகம், தரை இவற்றில் எண்ணெய் கொட்டிவிட்டால் உடனே கோலமாவை எண்ணெய் சிந்திய இடத்தில் தூவிவிட்டு சிறிது நேரம் கழித்துத் துடைத்துவிட்டால் எண்ணெய் பிசுபிசுப்பு மற்றும் கறை அகன்றுவிடும்.
2.  வேலைப்பாடுகள் நிறைந்தப் பொருட்களை காட்டன் பட்ஸ் கொண்டு துடைத்தால் எளிதில் அதில் படிந்திருக்கும் தூசிகள் நீங்கும்.
3. க்ரைண்டரில் குழவி வைக்கும் ஸ்டாண்ட் வளையத்தில் கூடைப்போடப் பயன்படும் ஒயரை சுற்றி வைத்தால் துருபிடிக்காமல் இருப்பதுடன், பார்க்க அழகாகவும் இருக்கும்.
4. தண்ணீரைக் கொதிக்க வைக்கப்பயன்படுத்துவதனால் சில ஸ்டீல் பாத்திரங்களில் வெள்ளையாகக் கறைப் படிந்திருக்கும். அது எளிதில் போக, அந்த பாத்திரத்தில் இரண்டு நாட்களுக்கு அரிசியை ஊறவைத்திருந்து பின்பு தேய்க்கவேண்டும்.
5. பொலிவிழந்திருக்கும் பட்டு அல்லது பிரிண்டெட் பட்டுப்புடவைகளை,  துவைத்து பின்னர், அரைபக்கெட் குளிர்ந்த நீரில் 1 டீஸ்பூன் சாதாரண கோந்து சேர்த்துக் கலக்கியபின் அப்புடவைகளை அமிழ்த்தி எடுத்து உலர்த்தவும்.
6. அடர்ந்த நிறம் கொண்ட துணிகளுக்குக் கஞ்சி போடும்போது அவற்றை உள் பக்கம் வெளியில் இருக்குமாறூ திருப்பி கஞ்சியில் நனைக்கவும். இவ்வாறு செய்தால் துணிகளின் வெளிப்பக்கத்தில் கஞ்சி அடையாளம் கோடுகளாகவோ, கறைகளாகவோ தெரியாமல் இருக்கும்.
7. ரோஜாச் செடி அழகாக நிறையப்பூக்கள் பூக்க, பீட்ரூட்டின் தோலையும், வேகவைத்த உருளைக்கிழங்கின் தோலையும் உரமாகப் போடவேண்டும்.
8. மழைக் காலத்தில் துணிகள் வைக்கும் பீரோக்கள் மற்றும், கப்போர்ட்டுகளில் ஈரப்பதம் ஈரக்காற்று ஆகியவற்றால் துணிகளில் ஒரு தொய்வு காணப்படும். இதனைத் தவிர்க்க  பத்து சாக்பீஸ்களை ஒரு நூலில் கட்டி தொங்கவிடவேண்டும். இதனால் ஈரப்பதம் உறிஞ்சப்பட்டு துணிகள் நன்றாக இருக்கும்.
9. வெள்ளை நிற வாஷ்பேசன் மற்றும் டைல்ஸ்களை க்ளீனிங் பவுடர்களைக்கொண்டு சுத்தம் செய்தபின்னர், சொட்டு நீலம் கலந்த நீரால் சுத்தம் செய்தால் இவ்விடங்கள் பளபளப்புடன் இருக்கும்.
10. தீப்பெட்டி ஈரமாகி நமுநமுப்பாக இருந்தால் அரிசி மாவை அதன் மீது தடவிவிட்டு கொளுத்தினால் டக் என ஏற்றவரும்.

தொடரும்…..